Gəncə Dövlət Milli Dram Teatrının nümayəndələri Rumıniyanın Krayova şəhərinə səfər ediblər. Bu haqda 22 may tarixində İcra Hakimiyyətinə istinadən xəbər veririk.
16-26 may tarixlərində Rumıniyanın Krayova şəhərində “ŞEKSPİR” Beynəlxalq Teatr Festivalı keçirilir. Burada Gəncə Dövlət Milli Dram Teatrı təmsil olunur. Festivalda teatrın direktoru Aqil Bəhramlı və teatrın aktyoru, Avrasiya Teatrlar Birliyinin Azərbaycan təmsilçisi Yusif Cəfərov fəxri qonaq qismində iştirak ediblər.
Festival çərçivəsində onlar Azərbaycanın Rumıniyadakı Fövqəladə və səlahiyyətli səfiri Qüdsi Osmanov, Craiova Bələdiyyəsinin sədri xanım Lia Olguta Vasilesku, Birmingen Universiteti yanında Stratford - apon - Avon Şekspir (Şeksprin evi) İnstitutunun sədri Maykl Dobson, rejissorlar Robert Uilson, Siıvlu Purcarete, Fred Abrahamse, Rumıniyanın Teatrlar Birliyinin sədri Dragon Buhagiar və bir sıra teatr xadimləri ilə görüşlər keçiriblər.
