Gəncədə təlim təşkil olunub. Bu haqda 25 may tarixində FHN-ə istinadən məlumat veririk.
Fövqəladə Hallar Nazirliyinin Dövlət Yanğından Mühafizə Xidməti “Gəncə Dəyirman” MMC-də yanğın-taktiki təlim keçirib. Buraya Gəncə şəhər Dövlət Yanğından Mühafizə İdarəsinin tabeli hissə və bölmələrinə məxsus qüvvə və vasitələr cəlb olunub.
Təlim planına uyğun olaraq, baş vermiş şərti yanğın yerinə operativ çatan yanğından mühafizə bölmələri obyektin qüvvələri ilə qarşılıqlı fəaliyyətdə işçilərin “təhlükəli ərazidən” təxliyə edilməsi, “yanğın” yerində çevik kəşfiyyatın aparılması və “yanğının söndürülməsi” əməliyyatını yerinə yetirib.
Daha sonra əldə edilmiş nəticələr müzakirə olunub və müvafiq tapşırıqlar verilib.
Təlimdə ümumilikdə 8 ədəd texnika və 52 nəfər şəxsi heyət iştirak edib.
