Gəncədə konsert təşkil olunub. Bu haqda 16 dekabr tarixində Regional Mədəniyyət İdarəsinə istinadən məlumat veririk.
Konsert Rauf Hacıyevin 100 illiyinə həsr olunmuş Musiqi Festivalı çərçivəsində baş tutub. Tədbir Mədəniyyət Nazirliyinin, İcra Hakimiyyətinin, Regional Mədəniyyət İdarəsinin dəstəyi və Gəncə Dövlət Filarmoniyasının təşkilatçılığı ilə keçirilib. Burada Mədəniyyət Nazirliyinin İncəsənət şöbəsinin baş məsləhətçisi Turan Məmmədəliyeva, Regional Mədəniyyət İdarəsinin rəisi Vasif Cənnətov, Rauf Hacıyevin ailə üzvləri, idarə, müəssisə, təşkilat rəhbərləri və şəhər ictimaiyyəti iştirak ediblər.
Konsertdə Filarmoniyanın Kamera Orkestri (bədii rəhbər və baş dirijor Respublikanın Xalq artisti Rafael Bayramov) və "Xəmsə" estrada qrupu (bədii rəhbər Şəhriyar Tağıyev) çıxış ediblər.
