Gəncəli aktyor beynəlxalq festivalda jüri qismində iştirak edir. Bu haqda 29 mart tarixində Gəncə Dövlət Dram Teatrına istinadən məlumat veririk.
Qazaxıstanın Kokşetau şəhərində "Salam" Beynəlxalq Teatr Festivalı keçirilir. Burada jüri heyətində ölkəmizi Gəncə Dövlət Dram Teatrının aktyoru, Avrasiya Teatrlar Birliyinin Azərbaycan təmsilçisi Yusif Cəfərov və "Türksoy"un Azərbaycan üzrə daimi nümayəndəsi Elçin Qafarlı təmsil edirlər.
Jüri heyətinin digər üzvləri isə Qazaxıstan respublikasının Xalq artisti Tilektes Meyramov və Qazaxıstan İncəsənət Universitetinin dekanı, teatrşünas Meryert Jaksılıkovadır.
Qeyd edək ki, festival bu il ilk dəfə keçirilir. Beynəlxalq tədbir 1 aprel tarixində yekunlaşacaq.
