Gəncə-Daşkəsən Regional Təhsil İdarəsinin təşəbbüsü ilə yaradılmış "Valideyn klubu" layihəsinin növbəti görüşü keçirilib. Bu haqda 14 iyun tarixində Gəncəxəbər.az xəbər verir.
“Valideyn klubu"nun yaradılmasının məqsədi müxtəlif yaş dövrlərində uşaqların inkişafı zamanı valideynləri düşündürən, narahat edən məsələlər barədə maarifləndirici görüşlər təşkil etməkdən ibarətdir.
Təlim xarakterli görüşdə Mərkəzi Klinikanın həkim-nevroloqu Dr. Yücel Onur, Gəncə Şəhər Birləşmiş Xəstəxanasının psixoloqu, psixoterapevt Zərif Qurbanova və Gəncə şəhər M.Hadi adına 10 nömrəli tam orta məktəbin ibtidai sinif müəllimi pedaqoq Günay Ələkbərzadə tərəfindən 6-10 yaş arası uşaqların davranışında baş verən dəyişiklik zamanı valideynlərin övladları ilə necə rəftar etmələri barədə ətraflı məlumat verilib.
Valideynləri maraqlandıran suallar cavablandırılıb.
