Gəncədə natəmizlik şəraitinin hökm sürdüyü növbəti küçə tanınmış şərqşünas Aida İmanquliyevanın adını daşıyır. Bu haqda 7 dekabr tarixində izləyicimizdən məlumat daxil olub.
Təqdim olunan fotomaterialda küçə boyunca yaranan gölməçələr müşahidə edilir. Yağışlı hava zamanı sakinlər palçıqda hərəkət etməklərindən narazılığını bildirirlər. Sözügedən məsələ səbəbindən avtomobillərin hərəkəti ciddi şəkildə məhdudlaşdırılır.
Sakinlərin sözlərinə görə, küçədə asfalt örtüyündən əsər-əlamət belə yoxdur. Onlar yolda hərəkət edəndə topuğdan palçığa batırlar.
Qeyd edək ki, Aida İmanquliyeva (Muxtar Hacıyev) küçəsi 17 oktyabr 2020-ci il tarixində mənfur düşmənin raket hücumuna məruz qalmışdır.
