Gəncə şəhəri Nəvai küçəsi, döngə 1-də işıq dirəyinin plafon hissəsi qırılaraq elektrik xətlərinin üzərinə aşıb.
Gencexeber.az-a bu barədə həmin ərazidə yaşayan sakinlərdən şikayət daxil olub. Bildirilib ki, hadisə 1 ay öncə baş verib.
Onlar dəfələrlə "Azərişıq" ASC-nin yerli idarəsinə müraciət etsələr də, sözügedən problemin aradan qaldırılması istiqamətində heç bir müvafiq addım atılmayıb.
“İdarədən şəhər icra hakimiyyətinin qaynar xətti ilə əlaqə saxlamaq tövsiyyə edilib. Qaynar xəttə isə cavab vermirlər. Qurumlar məsələni bir-birinə yönləndirir, ancaq problem həll edilmir. İşıq dirəyinin qırılmasına görə isə küçədəki heç bir işıqlandırma işləmir. Xahiş edirik ki, adiyyatı qurumlar tərəfindən bu məsələ həll olunsun”, - deyə narazı sakinlər məsələnin işıqlandırılmasını istəyib.
