Gəncədə kitab sərgisinin keçirilməsi planlaşdırılır. Bu haqda 7 fevral tarixində Azərbaycan Nəşriyyatları Assosiasiyası məlumat paylaşıb.
"Parlaq İmzalar" nəşriyyatının direktoru Nurman Tariq assosiasiyanın idarə heyətinin iclasında "Bölgələrə kitabla gedək" devizi altında keçirilən layihənin davam etdirilməsini təklif edib. İclasda "ANAİB-Gəncə II kitab sərgisi"in bu ilin oktyabr-dekabr aylarında təşkil olunması planlaşdırılıb.
Qeyd edək ki, layihə çərçivəsində Gəncədə keçirilən ilk sərgi ötən ilin 26-28 noyabr tarixlərində baş tutmuşdur. Tədbir Gəncə Dövlət Filarmoniyasında təşkil olunmuşdur.
