Gəncə Regional Mədəniyyət İdarəsi tərəfindən "Ağ xalatını silaha dəyişən qəhrəman həkim" adlı görüş keçirilib. Bu haqda Gəncə Heydər Əliyev Mərkəzi və Park-Kompleksinin Facebook səhifəsində məlumat dərc edilib.
Vətən müharibəsinin şəhid həkimi Aqşin Ənvərliyə həsr olunan tədbir çərçivəsində mərhumun ailəsi ilə görüş online formatda keçirib. Orada Mərkəzləşdirilmiş Kitabxana Sisteminin 16 nömrəli kitabxana filialının əməkdaşları və oxucuları iştirak edib.
Şəhidin atası Faiq Abdulayev, anası Dilrubə Abdullayeva və yaxınları onunla bağlı xatirələrini və Vətən müharibəsində göstərdiyi qəhrəmanlıqlardan danışıblar.
