Gəncədə 20 nəfər yerli gənc üçün təlim keçiriləcək. Bu haqda Gencexeber.az-a 22 yanvar tarixində məlumat daxil olub.
"Azad olunmuş ərazilərə QAYIDIŞ (birgə yaşayış) və Konfliktlərin idarə olunması" adlı təlim "Gəncə Avropa Gənclər Paytaxtı 2016" İctimai Birliyi tərəfindən təşkil olunur. Seminarın məqsədi işğaldan azad edilmiş ərazilərə gənclərin qayıdışının təşviq olunması və konfliktlərin idarə olunmasına dair biliklərinin artırılmasıdır.
Təlim 30 yanvar tarixində saat 14:00-da baş tutacaq. Qatılmaq istəyənlər qeyd olunan link vasitəsilə qeydiyyatdan keçə bilərlər. Son müraciət tarixi 28 yanvardır.
