Gəncədə "Vətən Müharibəsi Avropalı Fotoqrafların Gözü İlə" layihəsinin icrasına start verilib. Bu haqda Gencexeber.az-a 13 dekabr tarixində məlumat daxil olub.
1 dekabr 2021 –ci il – 1 mart 2022- ci il tarixlərində icra olunacaq layihə iki mərhələdən ibarətdir. 24- 28 yanvar 2022-ci il tarixilərində təşkil olunacaq birinci mərhələdə Avropalı gənclərin iştirakı ilə işğaldan azad olunmuş ərazilərə səfərlər təşkil olunacaq. Layihədə Azərbaycan, Gürcüstan, Ukrayna, Fransa, İtaliya, Polşa və Litvadan olan 10 gənc fotoqraf iştirak edəcək. Səfər zamanı foto çəkiliş olacaq, juri tərəfindən seçilən 20 foto Gəncə şəhərində təşkil olunacaq sərgidə nümayiş olunacaq.
İkinci mərhələ 20 nəfər yerli gəncdən ibarət qrupa "Birgə yaşayış və konfliktlərin idarə olunması" mövzularında təlim həyata keçiriləcək. Məqsəd birgə yaşayış zamanı yarana biləcək hər hansı münaqişə qarşısında milli və dövlət mövqeyindən çıxış edərək gənclərin doğru qərar qəbul edib və addımlar atılmasıdır.
Layihədə iştirak etmək istəyən gənclər bu link-dən qeydiyyatdan keçə bilərlər.
