Gəncədə Aşıq Ələsgərin 200 illik yubileyi qeyd olunub. Bu haqda 16 dekabr tarixində Gəncə Regional Mədəniyyət idarəsi məlumat paylaşıb.
"Yerin pərdəsidir, göyün simləri,kükrəyən, çağlayan ruhdu Ələsgər" adlı musiqili, ədəbi-bədii tədbir Mərkəzi Kitabxananın Oxu zalında baş tutub.
Oxu zalının müdiri Aidə Abdullayeva aşığın həyat və yaradıcılığı haqda məlumat verib. GDU-nun Pedaqoji fakültəsinin dekanı Bayram Apoyev "Aşıq Ələsgər poeziyasında təbiət təsvirləri" mövzusunda çıxış edib. Şair Salman Balakişiyev, publisist və ictimai xadim Nüşabə Əsəd Məmmədli Aşıq Ələsgər haqqında babasından eşitdiyi xatirələrindən, filologiya üzrə fəlsəfə doktoru Ruziyyə Quliyeva, Əməkdar Mədəniyyət işçisi Bəxtiyar Muradov, AYB Gəncə bölməsinin üzvü İmamverdi Məmmədov, Aşıq Ələsgərin nəticəsi Firuzə Ələsgərli el sənətkarının millətinə, xalqına, dünya mədəniyyətinə irs qoyub getdiyi zəngin xəzinəsindən, onun təbiət haqqında yazdığı dastanlardan, əsərlərindən danışıblar.
Daha sonra aşıqlar İlqar Nəcəfoğlu "Göyçəgülü", Yolçu Salmanlı, Vaqif İbraqhimov və balabanda onları müşayiət edən Qarabağ qazisi Yaşar Abbasov, Elman Məmmədov Aşıq Ələsgərin şeirlərinə bəstələnmiş nəğmələr ifa ediblər.
