Gəncədə çayın kənarında yerləşən yolda təhlükəli vəziyyət yaranıb. Bu haqda Gencexeber.az-a 21 may tarixində məlumat daxil olub.
Sözügedən hal şəhər 3 saylı xəstəxananın yaxınlığında müşahidə olunur. Çayın sahilindən keçən avtomobil yolunun asfalt örtüyündə çatlar və ayrılmalar əmələ gəlib. Sakinlərin sözlərinə görə, bu, ətrafdakı evlər üçün də təhlükə yaradır. Onlar torpaq sürüşməsinin baş verməsindən narahat olduqlarını bildirirlər.
Vətəndaşlar məsələ ilə bağlı dəfələrlə aidiyyəti quruma müraciət etsələr də, heç bir tədbir görülməyib. Onlar təhülkənin qarşısının alınmasını və çayın kənarında sahilbərkitmə işlərinin aparılmasını istəyirlər.
