Gəncədə bu ərazidə yerləşən evlər qəzalı vəziyyətdədir. Bu haqda 23 may tarixində Space TV-yə istinadən məlumat veririk.
Söhbət Gəncəçayın sahilindən gedir. Burada tikilmiş evlər qəzalı duruma düşür. Sakinlərdən biri bildirib ki, vaxtı ilə şəhərin mərkəzində - Gəncəçayın yaxınlığında yerləşən yaşayış massivində məskunlaşıb. 2017-ci ildən onlar boş sahəyə köçürülüblər. Sakinin sözlərinə görə, keyfiyyətsiz inşa olunan evlər zamanla yararsız vəziyyətə düşüb.
“Biz bura 2017-ci ilin əvvəllərində köçürülmüşük. Ərazidə təxminən 100 ev var. Nə küçənin adı, nə də evlərin sənədləri mövcud deyil”, - deyə o qeyd edib.
Məsələ ilə bağlı Space TV tərəfindən İcra Hakimiyyətinə müraciət olunub. Lakin heç bir cavab alınmayıb.
