Gəncədə təmizlik aksiyası keçirilib. Bu haqda 29 dekabr tarixində Mənzil Kommunal Təsərrüfatı İstehsalat Birliyinə istinadən məlumat veririk.
Gəncəçayda “Təmiz Şəhər” aksiyası davam etdirilir. Təmizlik işləri, əsasən, şəhərin 5 körpüsünün ətraf ərazilərində və çayın şəhər ərazisindən keçən hissələrində aparılıb. MKTİB-nin əməkdaşları çayın məcrasında sel sularının gətirdiyi, bəzi hissələrdə yığılaraq qalan məişət tullantılarını, ağac qırıntılarını, kol-kos və alaq otlarını kompleks şəkildə təmizləyiblər.
