Gəncədə qaçış üzrə yarış keçiriləcək. Bu haqda 25 may tarixində Azərbaycan Atletika Federasiyasına istinadən məlumat veririk.
Azərbaycan Atletika Federasiyası tərəfindən Yaşıl dünya naminə həmrəylik ili çərçivəsində “Gəlin birlikdə qaçaq” şüarı ilə təşkil olunan marafon mayın 26-da baş tutacaq. Qaçış saat 10:00-da Zəfər tağı önündən başlayacaq. Tədbirdə regiondan iştirak edən şəxslər 16+ yaş kateqoriyası üzrə 6 kilometr, digər iştirakçılar isə (ölkənin fərqli bölgələrindən) 18+, 40+, 50+, 60+ yaş kateqoriyaları üzrə kişi və qadın olmaqla 11 kilometr məsafə qət edəcəklər.
Hər kateqoriya üzrə ilk üç yerin sahibləri diplom, medal, hədiyyə və pul mükafatı ilə təltif olunacaqlar. Regiondan olan şəxslər burada ödənişsiz iştirak edə bilərlər.
Qeydiyyat üçün aşağıdakı linkə keçid etmək lazımdır:
https://race.az/news/gence24 .
Əlavə məlumat üçün (050) 480 93 76 nömrəsi ilə əlaqə saxlamaq olar.
