Gəncədə mədəniyyət layihəsi həyata keçirilir. Bu haqda 9 may tarixində Azərtac-a istinadən məlumat veririk.
Tədbir Mədəniyyət Nazirliyinin “Yaradıcı müzakirələr” layihəsi çərçivəsində təşkil olunur. Yığıncaq Gəncə Dövlət Filarmoniyasında baş tutur. Burada bir çox yaradıcı klaster üzrə tanınmış şəxslərlə görüş və təlimlər keçiriləcək.
Bildirilir ki, sessiyalar, həmçinin kino, teatr, rəsm, dizayn, xalçaçılıq, kulinariya, animasiya, virtual oyun biznesi, yaradıcı startaplar, fotoqrafiya, musiqi, bədii şüşə sənəti, dəb və digər mövzuları əhatə edəcək.
Qeyd edək ki, layihə paytaxtda və regionlarda mədəniyyət və yaradıcılıq sahələrində bacarıqların inkişafını təşviq edən maarifləndirici təşəbbüsdür. Proqramın məqsədi yaradıcı subyektlərin formalaşmasını dəstəkləməkdir.
