Fövqəladə Hallar Nazirliyinin Regional Mərkəzi 2 saylı Gəncə regional "ASAN xidmət" Mərkəzində tədbir təşkil edilib. Bu haqda 22 may tarixində Apa-ya istinadən xəbər veririk.
“Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin nümunəvi mülki müdafiə məşqi baş tutub.
Məşqin keçirilməsində əsas məqsəd fövqəladə hadisələrin nəticələri aradan qaldırılarkən rəhbər heyətin funksional vəzifələrini yerinə yetirmələri üzrə nəzəri bilik və praktiki vərdişlərini təkmilləşdirməkdən, fövqəladə hadisələrin qarşısının alınması işində təşkilatçılığın və operativliyin artırılmasından ibarət olub.
Həmçinin fövqəladə hadisə ilə əlaqədar rəhbər heyətin mülki müdafiə qüvvələrinin idarə edilməsi üzrə fəaliyyəti simulyasiya edilib. Sonda məşqin yekunu təhlil edilib, aidiyyəti üzrə tapşırıqlar verilib.
