Gəncə sakinləri Fövqəladə Hallar Nazirliyi tərəfindən maarifləndiriliblər. Bu haqda 13 may tarixində FHN-ə istinadən xəbər veririk.
FHN-in Dövlət Yanğın Nəzarəti və Kiçikhəcmli Gəmilərə Nəzarət və Sularda Xilasetmə Dövlət xidmətlərinin mütəxəssislərinin də iştirakı ilə tədbir baş tutub. Toplantı Regional Mərkəz tərəfindən Gəncə Tibb Kollecində keçirilib.
Tədbirin keçirilməsində məqsəd baş verə biləcək təbii və texnogen xarakterli fövqəladə hadisələrlə bağlı zəruri davranış qaydaları barədə vətəndaşlara müvafiq biliklərin verilməsi olub. Burada sakinlərə fövqəladə halların təsnifatı, ölkəmiz üçün xarakterik olan fövqəladə hallar, yanğınların başvermə səbəbləri və bu zaman zəruri davranış qaydaları barədə ətraflı məlumat verilib.
Daha sonra, həmçinin FHN-in “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib. İnteraktiv formada keçirilən tədbir zamanı suallar ətraflı cavablandırılıb.
