Gəncədə müşavirə keçirilib. Bu haqda 29 sentyabr tarixində FHN-ə istinadən məlumat veririk.
Tədbir Fövqəladə Hallar Naziliyinin Gəncə Regional Mərkəzinin akt zalında Baş əməliyyat idarəsinin, Regional mərkəzlərlə işin təşkili, layihələrin idarə edilməsi və təhsil məsələləri üzrə Baş idarənin, Mülki müdafiə işinin təşkili Baş idarəsinin, Gəncə Regional Mərkəzinin əməkdaşlarının, İcra Hakimiyyətinin nümayəndələrinin, yerli icra strukturları və bələdiyyə rəhbərlərinin, xidmət rəislərinin iştirakı ilə baş tutub.
Müşavirədə fövqəladə halların proqnozlaşdırılması, profilaftik tədbirlərin həyata keçirilməsi, fövqəladə halların nəticələrinin aradan qaldırılması sahəsində FHN-nin yerli qurumları ilə rayon icra hakimiyyəti, özünüidarəetmə orqanları, xidmət sahələri arasında qarşılıqlı fəaliyyət, qarşıda duran vəzifələr və problemlər haqqında çıxışlar olub, fikir mübadiləsi aparılıb. Burada fövqəladə hallarla bağlı hazırlığın artırılması məqsədilə tövsiyələr verilib, mövcud problemlərin həlli yolları və qarşıda duran birgə vəzifələr müzakirələr olunub.
