Gəncədə ictimai birliklərdən birində dəyirmi masa təşkil olunub. Bu haqda 6 may tarixində Fərəh SİB-yə istinadən məlumat veririk.
Tədbir Əlillərin Beynəlxalq Müdafiəsi Gününə həsr edilib. Dəyirmi masa fiziki məhdudiyyəti olan şəxslərin imkanlarının genişləndirilməsi və cəmiyyətdə rollarının artırılması məqsədilə keçirilib. Burada Fərəh Sosial İctimai Birliyi (SİB) və şəhərimizdə fəaliyyət göstərən dövlət və özəl qurum və təşkilatların nümayəndələrinin əməkdaşlıq görüşü olub.
Dəyirmi masada SİB-nin həmtəsisçiləri, idarə heyəti və könüllüləri iştirak ediblər. Tədbirdə birliyin ötən 3 il ərzində öz imkanları hesabına həyata keçirdiyi fəaliyyətlərin hesabatı dinlənilib. Görülən işləri əhatə edən videoçarx nümayiş olunub.
Daha sonra birliyin həmtəsisçiləri İlqar Hümbətov və Eldəniz Səttarlı, həmçinin əlil şəxslərlə işləyən müxtəlif təşkilatların nümayənlədərinin çıxışları və təklifləri dinlənilib. Aparılan müzakirələr zamanı gələcək əməkdaşlıq istiqamətləri müəyyən edilib.
