Gəncədə yeni layihə həyata keçirilir. Bu haqda 22 sentyabr tarixində “Fərəh” SİB-yə istinadən məlumat veririk.
“Fərəh” Sosial İctimai Birliyinin təşəbbüsü ilə "Özünü Kəşf Et" layihəsi start götürür. Məqsəd sağlamlıq imkanları məhdud şəxslərin cəmiyyətə inteqrasiyasını təmin etmək və onların fərdi inkişafına dəstək olmaqdır.
Layihə çərçivəsində hər həftənin cümə axşamı günləri saat 15:00-da Fərəh SİB-nin ofisində praktiki təlimlər təşkil ediləcək. Seminarları Elmir Ələkbərov aparacaq. Təlimlər sağlamlıq imkanları məhdud şəxslər üçün nəzərdə tutulub.
Proqramda iştirak ödənişsizdir. Ətraflı məlumat və qeydiyyat üçün (050) 428 82 57 nömrəsi ilə əlaqə saxlamaq lazımdır.
Qeyd edək ki, “Fərəh” SİB Xəlilbəy Xasməmməddov küçəsində (Cavad xan küçəsi ilə kəsişən küçə) yerləşir.
