Gəncədə qəzalı vəziyyətdə olan elektrik dirəyi və naqillərin üzərinə aşmış ağac ciddi təhlükə mənbəyinə çevrilib.
Gencexeber.az məlumat verir ki, Avtozavod qəsəbəsinin Zəngəzur küçəsində elektrik dirəyi əyilərək qəzalı vəziyyətə düşüb. Sakinlərin sözlərinə görə, bu problem barədə “Azərişıq” ASC–yə dəfələrlə məlumat verilib. Şikayətlər əsasında məsələ “Kəpəz Elektrik Şəbəkə” sahəsinə yönləndirilsə də, artıq iki aydır heç bir tədbir görülməyib.
Şəhərin Nizami Gəncəvi prospektində isə ağac elektrik naqillərinin üzərinə aşıb. Ərazidə nəqliyyat və piyadalar üçün real təhlükə şəraiti hökm sürür.
Sakinlər aidiyyəti qurumlardan operativ tədbirlər görülməsini tələb edirlər.
