Gəncədə tibb işçiləri və məktəblilər üçün təlimlər keçirilib. Bu haqda 20 dekabr tarixində İcra Hakimiyyətinə istinadən məlumat veririk.
İcra Hakimiyyəti və Gəncə şəhər Birləşmiş Xəstəxanasının birgə təşkilatçılığı ilə “Erkən nikah və qohum nikahların mənfi nəticələri” və “Gənclərin ailə qurmağa hazırlıq səviyyəsinin artırılması” mövzularında maarifləndirici tədbir təşkil olunub. Burada İH başçısı Aparatının Gender zorakılığı və uşaqlara qarşı zorakılıq üzrə monitorinq qrupunun sədri Adil Tağıyev, Birləşmiş Xəstəxananın direktoru Nazim Əhmədov, həkim və psixoloqlar və yuxarı sinif şagirdləri iştirak ediblər.
Nazim Əhmədov görüşün əhəmiyyəti barədə məlumat verib. Adil Tağıyev bildirib ki, erkən nikah və qohumlar arasında nikah halları Azərbaycanda aktual ailə problemlərindən biridir.
Daha sonra Birləşmiş Xəstəxananın psixoloqu Zərif Qurbanova, ailə həkimi Tükəzban Məmmədova və Gəncə-Daşkəsən Regional Təhsil İdarəsinin psixoloqu Vüsalə Balayeva “Erkən nikahların fiziki və psixoloji təsirləri”, “Qan qohumluğunun mənfi nəticələri” mövzuları ətrafında məruzə ilə çıxış ediblər.
