Gəncədə elmi konfrans keçirilib. Bu haqda 29 mart tarixində İcra Hakimiyyətinə istinadən məlumat veririk.
Elm Günü münasibətilə baş tutan elmi-praktik konfrans Elm və Təhsil Nazirliyi, İcra Hakimiyyəti və AMEA Gəncə Bölməsi tərəfindən təşkil olunub. AMEA Gəncə Bölməsində keçirilən tədbirə şəhərin elmi ictimaiyyəti qatılıb. Burada Gəncə alimlərinin nailiyyətlərindən sərgi yaradılıb.
İcra Hakimiyyəti başçısının müavini Adil Tağıyev çıxışında Elm Günü münasibətilə şəhər rəhbəri Niyazi Bayramovun təbrikini çatdıraraq, alimlərimizin müstəqilliyimizin möhkəmləndirilməsinə və cəmiyyətin inkişafına böyük töhfələr verdiyini diqqətə çatdırıb. Daha sonra bir sıra məruzələr dinlənilib. Mövzular ətrafında fikir mübadiləsi aparılıb.
Konfransın gedişində “Heydər Əliyev İli”nə həsr olunan “İlin ən fəal qadın alimi” və “İlin ən fəal gənc tədqiqatçısı” müsabiqələrinin qaliblərinə, həmçinin elmi və təşkilati fəaliyyəti ilə fərqlənən əməkdaşlara fəxri fərmanlar təqdim edilib.
