Gəncədə bir neçə ərazidə təhlükəli vəziyyət yaşanır. Bu haqda Gencexeber.az-a 19 iyun tarixində məlumat daxil olub.
Bu hal Muxtar Hacıyev, Dədə Yediyar küçələrində, Heydər Əliyev prospektində və “DOS 102” adlanan ərazidə müşahidə edilir. Adıçəkilən ərazilərdə elektrik naqillərinin və dirəklərin təmirə ehtiyacı var.
Birinci adıçəkilən küçənin sakinlərinin sözlərinə görə, elektrik naqilləri onlar üçün təhlükə mənbəyinə çevrilib. Məhəllə boyunca çəkilən naqillər əyilərək yerə çatıb. “Həyatımız təhlükə içindədir, uşaqlarımızı həyətə buraxa bilmirik. Elektrik naqilləri baxımsız vəziyyətdədir. Məsələ ilə bağlı aidiyyəti qurumlara bildirsək də, nəticəsi olmayıb”, – deyə sakinlər bildiriblər. Digər ərazilərdə isə dirəklər əyilib və hər an aşa bilər.
[modula id="61350"]
