Gəncəçayda təmizlik işləri aparılıb.
Gencexeber.az məlumat verir ki, Gəncəçayın məcrası boyu genişmiqyaslı təmizlik işləri görülüb. Məişət tullantıları, ağac qırıntıları, alaq otları bir yerə yığılaraq ərazidən daşınıb. Mövcud zibil konteynerlərinin ətrafında səliqə-sahman yaradılıb.
Qeyd edək ki, sözügedən işlər Gəncədən olan 20-dən çox ekoloji fəalın, həmçinin Mənzil Kommunal Təsərrüfatı İstehsalat Birliyinin (MKTİB) canlı qüvvəsi və texnikasının birgə səyi ilə həyata keçirilib.
Xatırladaq ki, tədbirin təşkilatçısı Nəzrin Abbasova tərəfindən verilən məlumata əsasən, bir neçə gün öncə, yanvarın 12-i saat 11:00-da keçiriləcək iməcilik barədə məlumat vermişdik. Ekofəal qeyd edib ki, onlar bu gün sözügedən ərazidə təmizlik işlərinə daha tez başlayan MKTİB-nin işçiləri ilə qüvvələrini birləşdiriblər.
