Gəncədə qiraət axşamı təşkil olunub. Bu haqda 6 may tarixində Filarmoniyaya istinadən məlumat veririk.
Maarifçi və ictimai xadim Əhməd Cavadın anadan olmasının 132-ci ildönümünə həsr olunmuş tədbir Gəncə Dövlət Filarmoniyasında keçirilib. Gecənin aparıcısı Xuraman Ağayeva olub. Burada qiraətçilər: İmamverdi Vəliyev, Lalə Həsəncan, Xalidə Nəbiyeva, Məhəmməd Hacıyev iştirak ediblər.
Tədbirdə AMEA-nın Gəncə bölməsinin Nizami Gəncəvi Mərkəzinin direktoru Əlimuxtar Muxtarov, Gəncə Dövlət Universitetinin Azərbaycan və Dünya Ədəbiyyatı kafedrasının müəllimi Vüsal Hicran Əhməd Cavadın həyat və yaradıcılığı barədə danışıblar.
Sonda Xalq artisti Sevinc İbrahimovanın ifasında "Çırpınırdı Qara dəniz", Əməkdar artist Tural Abdullayevin ifasında "Şükriyyə"mahnısı və gənc vokalçılar Qaya Nəsibzadə, Fidan Məmmədzadənin ifaları səsləndirilib.
