Gəncədə pensiyalarla bağlı tədbir baş tutacaq. Bu haqda 8 may tarixində DSMF-yə istinadən məlumat veririk.
Görüş Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu tərəfindən keçiriləcək. Tədbir 17 may tarixində saat 15:00-da baş tutacaq. Burada Gəncə və Göygöldən olan ictimaiyyət nümayəndələri iştirak edəcəklər.
Yığıncaqda pensiya və sosial müavinətlərə dair ictimai dinləmə keçiriləcək.
Tədbirə qatılmaq istəyən şəxslər DSMF-nin Gəncə şəhərində yerləşən regional filialına (Atatürk prospekti, 12A) yaxınlaşıb, Fondun sosial şəbəkə hesabları vasitəsi ilə müraciət edib və ya (012) 432-02-30 telefon nömrəsinə zəng edib qeydiyyatdan keçə bilərlər.
