Gəncədə "Montessori" özəl Uşaq Bağçasının körpələri və tərbiyəçi müəllimləri 18 saylı Körpələr Evi-Uşaq Bağçasında olublar. Bu haqda 30 may tarixində Regional Təhsil İdarəsinə istinadən xəbər veririk.
Dövlət bağçasında qonaq olan özəl məktəbəqədər təhsil müəssisəsinin əməkdaşları müxtəlif yaş qrupları üzrə məşğələlərdə iştirak ediblər. Onlar uşaqların inkişafına təsir göstərən məsələləri müzakirə edərək, fikir mübadiləsi aparıblar.
Qeyd edək ki, əməkdaşlıq canlı və onlayn qoşulmaqla müəssisədə, təbiətdə və şəhərdə yerləşən müxtəlif muzey, park və kitabxanalara səfərlər təşkil olunmaqla davam edəcək.
