Gəncədə “Hər bir donor bir qəhrəmandır” və “Sağlam həyat naminə narkotikə “Yox” deyək” mövzularında tədbir keçirilib. Bu haqda 27 may tarixində Şəhər Birləşmiş Xəstəxanasına istinadən xəbər veririk.
Azərbaycanda donorluq mədəniyyətinin inkişafı məqsədilə təşkil edilən tədbir Sənaye və Texnologiyalar üzrə Gəncə Dövlət Peşə Təhsil Mərkəzində olub.
Tədbirdə açılış nitqi ilə çıxış edən ailə həkim-terapevti İntizar Cəfərova cəmiyyətdə irqindən, yaşından, dinindən asılı olmayaraq, bütün xalqları, millətləri düşündürən, ən ağrılı problemlərdən biri olan “ağ ölüm” kimi tanınan narkomaniya bəlasının insan həyatında sağalmaz fəsadlar yaratdığından yeniyetmə və gənclər üçün təhlükə mənbəyi olduğunu bildirib. Daha sonra həkim qan vermək və onun faydaları haqqında tədbir iştirakçılarına geniş məlumat verib.
