Gəncə Dövlət Milli Dram Teatrının böyük səhnəsində isveç yazıçısı Astrid Lindqrenin “Uzuncorab Pippi” əsəri əsasında hazırlanmış eyni adlı tamaşa oynanılıb. Bu haqda 3 iyun tarixində İcra hakimiyyətinə istinadən xəbər veririk.
1 İyun – Uşaqların Beynəlxalq Müdafiəsi Gününə həsr olunan tamaşanı Azərbaycan Dövlət Milli Gənc Tamaşaçılar Teatrının kollektivi ifa edib.
İsveç Krallığının ölkəmizdəki fövqəladə və səlahiyyətli səfiri Tobias Lorentzson çıxış edərək balaca tamaşaçıları 1 İyun – Uşaqların Beynəlxalq Müdafiəsi Günü münasibəti ilə təbrik edib. O bildirib ki, İsveç uşaq ədəbiyyatının ən məşhur nümayəndəsi Astrid Lindqrenin “Uzuncorab Pippi” səhnə əsəri Azərbaycan dilində ilk dəfə 2016-cı ildə nümayiş olunub. Astrid Lindqrenin səhnə əsərinin əsl ruhunu əks etdirmək məqsədilə İsveçin Azərbaycandakı səfirliyi tərəfindən İsveçin tanınmış teatr rejissoru Ronny Danielssonu tamaşanın hazırlanması prosesinə cəlb edib.
