Xəbər verdiyimiz kimi, Gəncənin Dədə Qorqud küçəsində yaşayan sakinlər yeni asfalt örtüyündən şikayət edib.
Gencexeber.az xəbər verir ki, sözügedən ərazidə yerləşən 32 binanı əhatə edən həyətdə asfalt örtüyü ilə bağlı yaranmış narazılıq artıq aradan qaldırılıb. Aidiyyəti qurumun əməkdaşları əraziyə baxış keçirib, vətəndaşlarla söhbət aparıblar. Sakinlərin narazılığı nəzərə alınıb və təmir-bərpa işlərinə yenidən başlanılıb. Nəticədə, binaların giriş hissələri tam şəkildə asfaltlanıb, məhəllədə yarımçıq qalan abadlaşdırılma tamamlanıb.
Xatırladaq ki, bir müddət əvvəl sakinlər redaksiyamıza müraciət edərək, həyətlərdə aparılan asfaltlama işlərinin natamam və keyfiyyətsiz icra edildiyini bildiriblər. Onların sözlərinə görə, bəzi binaların girişləri asfaltlansa da, digərləri olduğu kimi qalmış, yağışlı havalarda zirzəmilərə su dolmuş və blokların dəhlizlərində iri gölməçələr əmələ gəlmişdi.
