Gəncədə Avropa İttifaqı tərəfindən maliyyələşdirilən “Azərbaycanda Merlərin Razılaşması – Şərq və İqtisadi İnkişafı dəstəkləyən Bələdiyyə Sədrləri” regional layihələrin icrasına dəstək layihəsi çərçivəsində tədbir baş tutub. Bu haqda 4 iyun tarixində Azərbaycan Bələdiyyələrinin Milli Assosiasiyalarına istinadən xəbər veririk.
“Dayanıqlı Enerji və İqlim üzrə Fəaliyyət Planı” adlı seminar keçirilib. Burada beynəlxalq ekspert Vitold Sartorius uyğunlaşma tədbirlərinin xülasəsini təqdim edib. Müzakirələr zamanı "yaşıl enerji"yə keçidin Azərbaycanla Avropa İttifaqı arasında əməkdaşlığın daha da genişlənməsi üçün əlverişli imkan yaratdığı vurğulanıb.
Tədbir zamanı sorğu və prioritetləşdirmə üzrə maraqlı tərəflərlə görüşlərin nəticələri barədə danışılıb. Əsas məqsəd "Baza Emissiya İnventarı"nın hazırlanmasında istifadə və təklif edilən əsas yanaşmalar, təsirin azaldılması və uyğunlaşma məsələləri üzrə tədbirlər barədə məlumat verməkdir.
