Gəncədə bir sıra dayanacaqlar zəbt edilib. Bu barədə Gencexeber.az-a 17 iyun tarixində məlumat daxil olub.
Bu hal Əttarlar, Şeyx Bahəddin, Təbriz və Nizami küçələrində müşahidə edilir. Adıçəkilən küçələrdəki avtobus dayanacaqlarının köşk sahibləri tərəfindən zəbt olunması şəhər sakinlərinin etirazına səbəb olub. Sakinlər bildiriblər ki, dayanacaqların yanında yerləşən köşklərin soyuducuları avtobus dayanacaqlarının qarşısına və içinə yerləşdirilib.
Sözügedən vəziyyət səbəbindən dayanacaqlarda əyləşməyə və dayanmağa yer yoxdur. “Günəşli, isti havada, küləkdə avtobus gözləyəndə dayanacaqda dayanmaq istəyirik, amma yer olmadığına görə dayanacaqdan istifadə edə bilmirik”, - deyə sakinlər qeyd ediblər.
[modula id="61249"]
