Gəncədə ödənişsiz təlim baş tutacaq. Bu haqda 18 may tarixində Regional Mədəniyyət idarəsinə istinadən məlumat veririk.
"Bizimlə öyrən" adlı silsilə tədbirlər Mədəniyyət Nazirliyinin dəstəyi, "Mədəniyyət Könüllüləri" İctimai Birliyinin təşkilatçılığı ilə "Mədəniyyətə Könül Ver!" layihəsi çərçivəsində təşkil olunur.
Bugünkü görüş "Danışan kuklalar" mövzusunda keçiriləcək. Təlim saat 12:00-da Gəncə Dövlət Kukla Teatrında baş tutacaq. Təlimçi teatrın direktoru, Əməkdar artist Fərmail Paşayevdir.
Tədbirdə iştirak ödənişsizdir.
Qeyd edək ki, Kukla Teatrı Əhməd Cəmil küçəsi, 105 ünvanında yerləşir.
