Gəncədə tələbələr arasında müsabiqə keçirilib. Bu haqda 28 dekabr tarixində Gəncə Dövlət Universitetinə istinadən məlumat veririk.
Gəncə Dövlət Universitetinin Filologiya fakültəsinin tələbələri arasında “Milli İstiqlal şairi Əhməd Cavad” adlı esse müsabiqəsi baş tutub. Müsabiqə istiqlal şairi Əhməd Cavadın 130 illiyi ilə əlaqədar təşkil edilib.
Tələbələr Əhməd Cavadın həyat və yaradıcılığına dair esse yazıblar. Mövzu ətrafında ən yaxşı esse yazan IV kurs tələbəsi Aysun Həsrətovaya kitab hədiyyə edilib. Müsabiqədə II yeri Roza Məmmədzadə, III yeri isə Aygün Məhərrəmova tutub.
