Gəncədə qəsəbə sakinlərinin bir neçə problemi var. Bu haqda 21 dekabr tarixində Bələdiyyə.net-ə istinadən məlumat veririk.
Söhbət 10 mindən artıq sakini olan Cavadxan qəsəbəsindən gedir. Yaşayış massivində məktəb yoxdur. Qəsəbənin uşaqları şəhərin 3 məktəbində təhsil alır.
Bundan başqa, burada yol infrastrukturu da yoxdur. Yolların baxımsız olması qış aylarında 3-7 km məsafəni qət edərək təhsil ocağına gedən məktəblilərin vəziyyətini çətinləşdirir. Küçələr yayda toz-torpaqdan, qışda isə palçıqdan keçilməz olur.
Rəsmi qurumdan Cavadxan qəsəbəsində yaxın gələcəkdə məktəb tikintisinin planda olmadığı bildirilib.
