Gəncədə təqdimat mərasimi keçirilib. Bu haqda 14 dekabr tarixində Regional İcma Mərkəzinə istinadən məlumat veririk.
"CARÇI EXPRESS" jurnalının 4-cü buraxılışının təqdimatı baş tutub. Tədbir Regional İcma Mərkəzinin dəstəyi, jurnalın kollektivinin təşəbbüsü ilə təşkil olunub. Son buraxılış Hüseyn Cavidə həsr edilib.
Tədbirdə İcma Mərkəzinin təsisçisi Asəf Əhmədov çıxış edərək, Mərkəzin fəaliyyət istiqamətləri barədə məlumat verib. Daha sonra jurnalın redaktoru Sərxan Carçıyev 4-cü buraxılışı tədbir iştirakçılarına təqdim edib.
Sonra tarixçilər Nərgiz Rəsulova, Yeganə Məmmədova, Cavid Bağırzadə, Sabirə Bayramova, müstəqil araşdırmaçı Ceyhun Nəbi, Gəncə Maarif Evinin icraçı direktoru İmamverdi Vəliyev, tarixçi Baxtiyar Çələbi Hüseyn Cavid yaradıcılığı ilə bağlı öz fikirlərini bölüşüb, müzakirə ediblər.
