Gəncədə ödənişsiz ingilis dili kursları keçirilir. Bu haqda Gencexeber.az-a 6 iyun tarixində məlumat daxil olub.
“Capitalk” Dil Mərkəzi fəaliyyətə başlaması ilə əlaqədar 30 tələbəyə 4 ay müddətində ödənişsiz ingilis dili dərsləri təşkil edir. Kurslara 18-30 yaş aralığında, ingilis dilini öyrənməyə həvəsli və dil səviyyəsi A2-B1 səviyyəsində olan şəxslər müraciət edə bilərlər. Həftə ərzində 3 dərs olmaqla keçirilən kurslara qatılan şəxslərə sonda sertifikat veriləcək.
Dərslərə qoşulan şəxslərə mərkəz interaktiv dərslər, təcrübəli müəllimlər və individual təlim planları ilə effektiv öyrənmə təcrübəsi vəd edir. Həmçinin “Capitalk” ingilis dilini tələbənin məqsəd və ehtiyaclarına uyğun olaraq, hərtərəfli və dinamik yanaşma ilə tədris edən dil mərkəzidir.
Ödənişsiz ingilis dili dərslərinə qoşulmaq istəyənlər linkə daxil olaraq qeydiyyatdan keçməlidirlər.
Ünvan: Nizami Gəncəvi, 468a
