Gəncədə musiqili tədbir təşkil olunacaq. Bu haqda 24 iyun tarixində Dram Teatrına istinadən məlumat veririk.
"Çərçivə" adlı musiqili-səhnələşdirilmiş poeziya gecəsi Gəncə Dövlət Milli Dram Teatrında baş tutacaq. Tədbir 14 iyul tarixində saat 19:00-da keçiriləcək.
Burada "Dolab band" qrupu tərəfindən canlı ifalar səsləndiriləcək. Bütün musiqilərin sözləri görkəmli şairlərimizdən nümunələr olacaq.
Tamaşanın ssenari müəllifi və rejissoru Gəncə Dövlət Milli Dram Teatrının aktyorları - yazıçı Həsən Fəttan və Elmir Məmmədovdur. Tədbirdə 20-dən çox aktyor və 35-dən çox rol yer alacaq.
Biletləri teatrın kassasından və “Kitab oxu Coffee Shop”dan əldə etmək mümkündür.
