Gəncədə sürücüləri narahat edən məsələ var. Bu haqda Gencexeber.az-a 29 iyul tarixində məlumat daxil olub.
Söhbət şəhərin Üzeyir Hacıbəyov və Niyazi Əhmədov küçələrinin kəsişməsindən gedir. Sakinlərin sözlərinə görə, burada yerləşən işıqfor ağac budaqlarının arxasında qalır. Nəticədə hərəkət tənzimləyicisinin işıqları görünmür.
“Bu kəsişmədə işıqfor tamamilə görünmür. Ağacın arxasında qalıb. Belə olanda da qəza təhlükəsi ilə üzləşirik. Bəzi sürücülər fikir verməyib, keçirlər”, - deyə sürücülər bildirirlər.
