Samux Rayon Tatlı kənd ümumi orta məktəbində istilik sistemi işləmir.
Gencexeber.az-a bu barədə valideynlər tərəfindən şikayət daxil olub.
Valideynlər bildirirlər ki, noyabr ayından məktəbdə istilik yoxdur:
“Hər dəfə şikayətə gedəndə 2-3 gün istilik verilir, sonra yenidən kəsilir. Müəllimlər də, uşaqlar da sinif otaqlarının soyuq olması səbəbindən məktəbə getmək istəmirlər. Körpə uşaqlar buz kimi otaqlarda otururlar, xəstələnirlər, nəticə olaraq da davamiyyətləri aşağı düşür. Şikayət etməkdən də bezmişik. Xahiş edirik ki, məktəbin istilik sistemi təmin edilsin”.
Qeyd edək ki, məsələ ilə bağlı Gəncə-Daşkəsən Regional Təhsil İdarəsinə sorğu ünvanlamışıq.
Humay İsgəndərli
