Gəncədə bəzi məktəblərdə şagirdlərə peşə təhsili verilir. Bu haqda 10 dekabr tarixində Kəpəz televiziyasına istinadən məlumat veririk.
Peşə təmayüllü siniflər şəhərin 8 və 20 nömrəli orta məktəblərində 10-11-ci sinif şagirdləri üçün təşkil edilib. Hər təhsil müəssisəsində 10 şagird aşpaz köməkçisi peşəsini, 8 nəfər isə kompüter proqramlarını öyrənir. Həftənin 1, 2 və 3-cü günləri məktəb fənləri, 4 və 5-ci günləri isə peşə dərsləri keçilir. Məşğələlər xüsusi ayrılmış və peşəyə uyğun avadanlıqlarla təchiz edilən emalatxanalarda təşkil olunur.
Qeyd edək ki, bu tədris ilində ölkə üzrə 45 yeni peşə təmayüllü sinif açılıb.
