Samux rayonunda “Yaşıl dünya naminə həmrəylik ili” çərçivəsində ağacəkmə aksiyası davam etdirlir.
Gencexeber.az-a bu barədə rayon icra hakimiyyətindən məlumat verilib.
Bildirilib ki, Samux Rayon İcra Hakimiyyətinin Tədbirlər Planına uyğun olaraq keçirilən növbəti ağacəkmə aksiyası Ziyadlı və Sərkar kəndlərinin inzibati ərazisində, Samux-Kür yolunun kənarında təşkil olunub.
Aksiyada rayon icra başçısı Firdovsi Əliyev, Milli Məclisin deputatları Mübariz Qurbanlı və Müşviq Cəfərov, şəhid ailələri, qazilər, RİH-nin əməkdaşları, idarə və təşkilatların kollektivləri, eləcə də gənc könüllülər avtomobil yolunun kənarına yerli iqlim şəraitinə uyğun gələn 3 min ədəd xan çinarı,şam, sərv ağacları, oleandr və bəzək gül kolları əkiblər.
Qeyd edilib ki, son 7 gün ərzində Samux rayonunda 12 minədək xan çinarı, şam, sərv ağaclarının tingləri, oleandr və bəzək gül kolları əkilib. Əkilən ağacların suvarılması üçün müasir damcılı suvarma sistemi çəkilib.
[caption id="attachment_68496" align="alignnone" width="696"]
[/caption]
[caption id="attachment_68495" align="alignnone" width="696"]
[/caption]
[caption id="attachment_68494" align="alignnone" width="696"]
[/caption]
[caption id="attachment_68493" align="alignnone" width="696"]
[/caption]
