31 yanvar şəhid Cabbarov Maqsudun doğum günüdür.
Cabbarov Maqsud Böyükağa oğlu 1975-ci il yanvarın 31-də Gəncənin Ozan küçəsində anadan olub. Gəncədə İsmət Qayıbov adına 1 saylı orta məktəbdə oxuyub, sonra Moskvaya gedib. Orada texniki peşə məktəbinin avtomobil təmiri şöbəsinə daxil olub. Ermənilər Azərbaycan torpaqları iddiası ilə baş qaldıranda Gəncəyə qayıtmış, 130 saylı hərbi hissədə xidmət etməyə başlamışdır. Tərtər rayonunda vuruşan igidimiz Cəmilli kəndində yerləşən mühüm obyektin mühafizəsində xüsusilə fərqlənib.
Cabbarov Maqsud Böyükağa oğlu 1994-cü il aprelin 15-də Ağdərə döyüşündə şəhadətə ucalıb.
Maqsud Cabbarovun adının əbədiləşdirilməsi üçün onun doğulub boya-başa çatdığı Ozan küçəsinə Xatirə lövhəsi vurulub.
