Bu gün şəhid Taleh Mustafazadənin doğum günüdür.
Mustafazadə Taleh Qənimət oğlu 17 dekabr 1995-ci ildə Gəncədə anadan olub. 2012-ci ildə 13 nömrəli tam orta məktəbi, 2017-ci ildə isə Azərbaycan Dövlət Aqrar Universitetinin “Yerüstü nəqliyyat” fakültəsini bitirib.
Həmin il həqiqi hərbi xidmətə yollanıb. Vətən müharibəsi zamanı yenidən ordu sıralarına daxil olub. Füzuli, Xocavənd və Laçın rayonlarının, habelə Şuşa şəhərinin azadlığı uğrunda gedən döyüşlərdə manqa komandiri kimi iştirak edib.
Taleh Mustafazadə 8 noyabr 2020-ci ildə Laçın rayonunun azadlığı uğrunda gedən döyüşlərdə şəhidlik zirvəsinə ucalıb. 11 noyabr 2020-ci ildə Gəncə şəhərinin Şəhidlər xiyabanında dəfn olunub.
O, ölümündən sonra “Vətən uğrunda”, “Cəsur döyüşçü” və “Şuşanın azad olunmasına görə” medalları ilə təltif olunub.
