Bu gün şəhid İbrahim İsgəndərovun doğum günüdür.
İsgəndərov İbrahim İslam oğlu 16 dekabr 1974-cü ildə Gəncədə anadan olub. 8-ci sinfi bitirdikdən sonra təhsilini 9 saylı texniki-peşə məktəbində davam etdirib və qaynaqçı peşəsinə yiyələnib.
28 dekabr 1992-ci ildə həqiqi hərbi xidmətə çağırılıb. Bir müddət Şəmkir rayonunun Seyfəli kəndində döyuş hazırlığı keçib. Daha sonra 998 saylı hərbi hissənin tərkibində xidmət etməyə başlayıb.
İsgəndərov İbrahim İslam oğlu 16 yanvar 1993-cü ildə Ağdərə rayonunun Vəng kəndi ətrafında gedən qızğın döyüşlərdə şəhidlik zirvəsinə ucalıb. O, Gəncə şəhər Şəhidlər xiyabanında dəfn olunub.
