Bu gün şəhid Ağakərim Kərimovun doğum günüdür.
Ağakərim Emin oğlu Kərimov 21 dekabr 1959-cu ildə Gəncədə anadan olub. Orta təhsilini 2 saylı orta məktəbdə alıb. Rusiyanın Novosibirsk şəhərində həqiqi hərbi xidmət keçib. Daha sonra Təmir-tikinti bazasında çilingər işləyib.
10 oktyabr 1993-cü ildə səfərbərliyə alınıb. O, Füzuli-Beyləqan bölgəsində bir sıra ağır döyüşlərdə iştirak edib.
Ağakərim Kərimov 13 yanvar 1994-cü ildə qızğın döyüşlərin birində şəhidlik zirvəsinə ucalıb. İki gün sonra Gəncə şəhər Şəhidlər xiyabanında dəfn olunub.
Onun Vətənə əmanət iki övladı qalıb.
