Hər kəs öz duasının, arzusunun tez qəbul olmasını istəyir. Astrologiya baxımından bəzən hansı bürclərin dua etməyə daha meyilli olduğu və hansı bürclərin istəklərinin daha tez qəbul oluna biləcəyi barədə fikirlər var.
Bakuplus.az xəbər verir ki, bu barədə tanınmış astroloq Rəşad Hacıyev açıqlama verib.
Onun sözlərinə görə, 3 bürc var ki, onların duaları tez qəbul olur:
“Adını çəkəcəyim bürcdə olan insanların ağzı faldır. Onların ağızlarından çıxan pis və ya yaxşı sözlər sürətlə gerçəkləşir.
Bu mövzuda ən şanslı bürc Balıqlardır. Bəlkə də, istəklərini tezliklə yerinə yetirmə gücünə sahib bir çox şəxslər bu bürcə aiddirlər. Balıqlar istənilən mənəvi şeylərdə çox güclüdür. Əgər Balıq bürcü mənsubu kiminsə haqqında yaxşı nələrsə düşünsə, gerçəkləşməsi çox qısa müddətədir. Ona görə Balıqlar ağızlarından çıxan sözlərə diqqət etməlidir. Xüsusən də Balıq bürcündə doğulanların qəlbi çox təmiz, niyyətləri çox yaxşı olur. Ona görə də sanki Yaradanla aralarından xüsusi bir bağ var. Bu səbəbdən Balıqlar astrologiyanın ən ruhani və güclü bürcüdür.
İkinci yerdə isə Əqrəb bürcü dayanır. Əqrəblər digər bürclərdən çox fərqlənir. Xüsusi mənəvi bir gücləri var. Ona görə Əqrəblərin edəcəyi dualar, rituallar, mənəvi praktikalar, ağızlarından çıxan sözlər çox sürətlə həyata keçir. Odur ki, bu bürclə münasibəti yaxşı tutmaq lazımdır. Çünki onun alqışı da, qarğışı da çox güclü işləyir.
Üçüncü yerdə Xərçəng bürcüdür. Bu bürcə sahib olan insanlar həddindən artıq mənəvi və ruhani gücə sahibdirlər. Xərçəng bürcünün ağzından çıxan yaxşı və ya pis söz sürətlə gerçəkləşir. Xərçəng bürclərinə aid olan insanlar baş verəcək hadisələri əvvəldən hiss edə bilirlər. Əgər bu bürc əlini açıb dua edərsə, istəyinin gerçəkləşməsinə qətiyyən şübhəsi olmasın”.
Fidan İlqar
